आज एकैदिन बैशाख २९ गते हाम्रो गाउँमा २ जना बयोबृद्धको देहावसान भएको छ । आज बिहानै करिब ४ बजे रत्नेचौर–३, निवासी ८७ वर्षीय वयोवृद्ध भैरबबहादुर बोगटीको मृत्यु भएको हो । २ छोरा र ४ छोरीका पिता स्वः बोगटी गाउँमा धेरै वर्ष बाँच्नेहरु मध्ये एक हुनुहुन्थ्यो । स्वः बोगटी भारतीय सेनाको रिटायर्ड सुवेदार समेत हुनुहुन्थ्यो । रत्नेचौरका बोगटीहरूको लागि एक जिम्मेवार अभिभावकको भूमिका खेल्दै आउनुभएका बोगटीको निधनले विशेषत ः बोगटी बन्धु सेवा समाजले आफ्नो एक जिम्मेवार संरक्षक गुमाएको छ ।
त्यसै गरी रक्सीका पारखीहरु माझ मीठो रक्सी बनाउनमा प्रख्यात रत्नेचौर १ निवासी ७६ वर्षीया बसन्धरी थापाको दिउँसो २ बजे निधन भएको छ । पछिल्लो समय उहाँ श्वासप्रश्वास सम्बन्धी रोगबाट आक्रान्त हुनुहुन्थ्यो । रक्सी उत्पादन गरी व्यावसायिक जीवन निर्वाह गर्दै आउनुभएको उहाँको निधनले कम्तीमा पनि उहाँले उत्पादन गरेको मीठो रक्सीको स्वाद लिएकाहरूले जीवनमा सायदै दोहोर्याएर अब यस्तो मौका पाउने छन् ।
हाम्रो गाउ : प्यारो रत्नेचौर 