मृतक दिलकुमारी थापाको शव

रत्नेचौर १ किराखोर निवासी ७५ वर्षीय दिलकुमारी थापाको बैशाख १ गते उपचारको क्रममा पोखरास्थित मणिपाल शिक्षण अस्पतालमा निधन भएको छ । लामोसमयदेखि श्वासप्रश्वास सम्बन्धी रोगबाट ग्रसित स्वः थापाको आज बैशाख २ गते रत्नेचौर –५, स्थित झिल्पोक भन्ने स्थानमा दाहसंस्कार गरियो । स्वः थापाका एक मात्र छोरा शिव थापा रोजगारीका शिलशिलामा मलेशियामा कार्यरत रहेको हुँदा क्रियाकर्म नीजका देवर सोमबहादुर थापाले गर्नुभएको छ ।

पानी हुँदाको पोखरीको रुप: फोटो शिव बोगटी

रत्नेचौरका सम्पूर्ण भूमी पुत्र तथा पुत्रीहरूलाई तल प्रस्तुत गरिएको फोटोसँग सम्बन्धित इतिहास तथा आफ्ना अनुभवहरू जे–जस्ता छन् कमेन्टका रुपमा लेखिदिनु होला !

सुन्दर बुढो पोखरी

वि.सं. १८२५ भन्दा पहिले नै रत्नेचौर बासीले यसलाई खानेपानी जम्मा गर्न लागि बनाइएको भनिने यस पोखरीसँग थुप्रै किस्साहरू जोडिएर रहेका छन् । मैले सानो छँदा बुढापाका मान्छेहरुबाट सुने अनुसार दोश्रो फोटोमा देखाइएको नीलो घेराभित्रको क्षेत्रमा नागहरू बस्ने र नीलो रेखाले देखाइएको पोखरीको बिचमा ठडाइएको काठको स्तम्भ (मौलो) वरिपरी आएर जम्मा हुने गर्दथे रे ! यस कुरामा के कति विश्वसनीयताका आधारहरु छन् वा होलान् त्यो त अध्ययन कै विषय नै हो तथापी हाम्रो गाउँमा मानिसहरुको बसोवास धेरै पहिले देखि नै भएको आधारस्तम्भका रुपमा हामीले यस पोखरीलाई लिन सक्दछौं । रत्नेचौरमा जन्मेर यो पोखरीमा भैंसी हुल्न आउनेहरु अहिले कहाँ कहाँ पुगिसके त्यसको हिसाब किताब यो पोखरीले खोजीरहेछ ।

नाग बस्दथे भन्ने विश्वास गरिएको ढुंगो (नीलो घेराभित्र) साथै नागहरु भेला हुन्थे भन्ने विश्वास गरिएको स्तम्भ (रातो रेखाभित्र)