रहेनन लोकेश बोगटी

हङकङ/ १२ जनवरी,

स्वर्गीय लोकेश बोगटी तस्बीरः फेसबुक

स्वर्गीय लोकेश बोगटी तस्बीरः फेसबुक

बिगत लामोसमयदेखि हङकङमा रहँदै आउनुभएका लोकेश बोगटीको आज स्वर्गारोहण भएको छ । ३५ वर्षीय उहाँ हङकङमा आफ्नै पारिवारिक व्यवसायमा संलग्न हुनुहुन्थ्यो । गायन तथा अभियनयमा रूची राख्ने उहाँ सामाजिक कार्यक्रमहरूमा पनि उत्तिकै चाखपूर्वक लाग्नुहुन्थ्यो । उहाँले आफ्ना स्वर्गीय बाबा ओमबहादुर बोगटीले रचना गरेको टुहुरै पसलैमा नामक गीत समावेश गरी टुहुरे पसलैमा नामक एल्बम प्रकाशित पनि गर्नुभएको थियो । केहि सांगितिक भिडियोहरूमा अभिनय समेत गर्नुभएको छ ।

विभिन्न क्षेत्र,बर्ग र जातिय सहितको ३३ वटा संस्थाको प्रतिनिधि गर्ने हङ्कङ नेपाली महासंघको महासचिब तथा म्याग्दी प्रवासी संघ (मोना) हङकङका सचिव समेत रहनुभएका उहाँले जिल्लाको आर्थिक, समाजिक, सांस्कृतिक लगाएतका क्षेत्रमा संस्था मार्फत विभिन्न कार्यक्रमहरू गर्न सक्रिय हुनुहुन्थ्यो । पारिवारिक स्रोतका अनुसार कुनै पनि दिर्घजीवी रोग नभएको उहाँको देहावसान एकदमै असामयिक र अचानक भएको छ । राती सुत्नु भएको उहाँलार्इ विहान बेहोस भेटेपछि उपचारार्थ अस्पताल लाँदालाँदै बाटोमा नै देहावसान भएको हो । उहाँको देहावसानबाट दुःखी हुँदै थुप्रै मित्रवर एवं आफन्तजनहरूले उहाँको फेसबुकमा अनेकन खबरहरू प्रेशित गरेका छन् । दुवर्इमा कार्यरत उहाँका एक नातेदार रञ्जन बोगटी लेख्छन् – फेरि बोगटी परिवारले एक उदियमान तारा गुमाउन पुगेको छ
यस दुखद खबरले संपुर्ण लोक नै आज रोएको छ
शारीर निस्प्राण भय पनि, आत्मा अमर रहनछ
मेरो दाजुले स्वर्गमा सिर्शस्थान पाउनुका लागि
परम्पिता परमेश्वोर संग मेरो सदा कामना रहनेछ
साथै यस शोकाकुल घडीमा सम्हालिनु हुन भाउजु, आमा अनि सम्पूर्ण आफन्तजनहरु लाइ अनुरोध गर्दछु ।

मृतात्माको चीर शान्तिको कामना गर्दछौ‌‌‌‌‌ ।

उहाँले अभिनय गरेको म्युजिक भिडियो ।

विपन्न परिवारका बिधार्थीहरूलार्इ सहयोग

सुरज केसी, बेनी

कार्यक्रमको एक झलक तस्वीरः प्रकाश पौडेल

कार्यक्रमको एक झलक तस्वीरः प्रकाश पौडेल

फिनल्याण्डमा अध्ययनरत रत्नेचौरका युवा निराजन थापाले फेसबुक मार्फत आव्हान गरि एक च्यारिटी अनलार्इन वेभसाइटको माध्यमबाट  बिपन्न तथा दलित बिद्यार्थिहरुका लागि संकलन गर्नुभएको सहयोग रकम शुक्रबार रत्नेचौर स्थित भानु उच्च माबिका बिधार्थीहरूलार्इ बितरण गरिएको छ ।

कार्यक्रममा थापा मार्फत संकलित आठ हजार एक सय बत्तिस रुपिया बराबरको जाडो छेक्ने स्वीटर बिस जना गरिब तथा बिपन्न बिधार्थीहरूलार्इ वितरण गरिएको थियो ।
बितरण कार्यक्रममा बिधालयका प्रअ टेक बहादुर थापा मगरको सभापतित्व समाजसेबि तथा विध्यालय ब्यवस्थापन समितिका पूर्व अध्यक्ष भुपेन्द्र बहादुर थापाको प्रमुख आतिथ्यता उच्च माबि संयोजक भरत खत्रिको स्वागत मन्तव्य एवं पूर्व विधार्थी बिदुर किसानको सञ्चालनमा सम्पन्न भएको थियो ।

राप्रपाको गाउँ कार्य समिति गठन

म्याग्दीको रत्नेचौरमा नगेन्द्रबहादुर बोगटीको अध्यक्षतामा राष्ट्रिय प्रजातन्त्र पार्टी गाउँ कार्यसमिति गठन भएको छ ।
डिलबहादुर थापामगर उपाध्यक्ष, हेमकली आचार्य सचिव र श्रीलाल सापकोटा कोषाध्यक्ष रहनुभएको समितिको सदस्यहरुमा लालबहादुर थापामगर, फुलप्रसाद थापामगर, उर्मीला थापामगर, देविप्रसाद सापकोटा, चन्द्र बोहोरा, भिमबहादुर बोगटी, भगवान किसान, भिमबहादुर थापामगर, मनबहादुर थापामगर, सन्तबहादुर नेपाली, कालुमान थापा र एकेन्द्रबहादुर रावल रहनुभएको छ ।
यसैगरी सुरत रावलको अध्यक्ष्तामा दालेन्द्र थापामगर उपाध्यक्ष, हिमाल गिरी सचिव र सोभित बोगटी कोषाध्यक्ष रहनुभएको राष्ट्रिय प्रजातान्त्रीक युवक संगठन रत्नेचौर गाउँ कार्यसमिति गठन भएको छ । यसैबीच कृष्णबहादुर महतको अध्यक्षतामा कृष्णकुमारी महत उपाध्यक्ष र दलबहादुर थापा कोषाध्यक्ष रहनुभएको किसान संघ गाउँ कार्यसमिति गठन भएको छ ।
यसैगरी आसा सुनारको अध्यक्षतामा दमति आले उपाध्यक्ष, हेमकलि शर्मा सचिव, मनु प्रधान सहसचिव र रमीला थापा कोषाध्यक्ष रहनुभएको महिला संघ पनि गठन भएको राप्रपाले जनाएको छ । राप्रपाका नेता तथा पुर्वराज्यमन्त्री भिमप्रसाद गौचनको प्रमुख आतिथ्यता, नगेन्द्र बहादुर बोगटीको अध्यक्षता र जिल्ला सहसचिव बिरबहादुर थापा क्षेत्रीको सञ्चालनमा गाउँभेला सम्पन्न भएको हो ।
सो कार्यक्रममा राप्रपा म्याग्दीका अध्यक्ष एकेन्द्रबहादुर रावल, सल्लाहकार गोपाल भट्टचन, सचिव हरिप्रसाद शर्मा, सदस्य चन्द्रबहादुर शेरचन, उर्मीला थापा, कमला थापा लगायतको उपस्थितीमा भेला सम्पन्न भएको थियो । (साभारः बेनी अनलाइन)

बिचरा भानु उच्च मा.वि

पहिलो पटक जेसिजकपको सेमिफाइलन प्रवेश गरेको श्री भानु उ.मा.वि फाइनल प्रवेशका लागि जेसिज कपको सर्वाधिक सफल बिधालय न्यू वेष्ट प्वाइन्ट उ.मा.वि. सँग भएको खेलमा १४-० को फराकिलो अन्तरले पराजित हुन पुगेको छ । जेसिज कपको इतिहासमै यो अहिलेसम्मको सबभन्दा ठूलो अन्तरको जित/हार हो ।

जिल्लामै सबभन्दा ठूलो खेलमैदान भएर पनि त्यसको समुचित प्रयोग गर्न नजान्दा तथा विधालयमा अध्यापनरत शिक्षकशिक्षीकाहरूले विधार्थीहरूको सर्वागिङ विकासमा भन्दा राजनीतिमा बढि सक्रिय हुँदा यो हविगती भएको हो । साथै यस बिषयमा स्वतन्त्र लेखक नीराजन शिरीषले टिप्पणी गरेका छन् – खेलकुद वा अन्य अतिरिक्त कृयाकलापहरूमा अभिभावकहरूले आफ्ना नानीबाबुहरूलार्इ वातावरण नदिने तथा शिक्षक एवं विध्यालय ब्यवस्थापनले यस तर्फ कुनै पनि चासो नराख्नाले यो हविगति बेहोर्नु परेको हो ।

एकिकृत माओवादीको गाउँ भेला सम्मेलन

एकिकृत नेकपा माओवादी रत्नेचौर म्याग्दीको शुक्रबार सम्पन्न प्रथम गाउँ सम्मेलनबाट रत्नेचौर १ का शेरबहादुर थापा अध्यक्षमा निर्वाचित भएका छन् । पूर्व एमाले कार्यकर्ता थापा विभिन्न समयमा विभिन्न पार्टीका कार्यकर्ताका रूपमा राजनीतिमा सक्रिय हुँदै आएका छन् ।

समितिको सचिवमा सेते किसान र सदस्यहरुमा रेशम बोगटी, बुद्धबिर किसान, बाबुराम बोगटी, टेकबहादुर खत्री, जंगबहादुर थापा, तुलसीराम थापा, नरदेवी केसी, गणेश थापा, उत्तम श्रेष्ठ, ओमबहादुर रोका, तेजबहादुर किसान, जुना किसान, नरसिंह गिरी, छवीलाल श्रेष्ठ, भिमबहादुर खड्का, खमबहादुर पुन र चित्रबहादुर थापा निर्वाचित भएका छन् । समितिमा निर्वाचित केहि सदस्यहरू पूर्व पञ्च र नेपाली काङ्ग्रेसका पूर्व कार्यकर्ताहरू रहेका छन् । त्यसैगरी भेलाको सञ्चालन गर्ने बोगटी चाँहि गाउँकै भानु उच्च मा.वि. का प्रा.वि. शिक्षक हुन् ।

एकिकृत नेकपा माओवादी दोस्रो जिल्ला सम्मेलन आयोजक समिति म्याग्दीका सदस्य कर्ण प्रधानको अध्यक्षता र चिरञ्जीवी बोगटीको सञ्चालनमा सम्पन्न सम्मेलनमा जिल्ला संयोजक गोविन्द पौडेल र २ नम्बर एरीया संयोजक चन्द्रबहादुर घिमीरेको पनि उपस्थिती रहेको थियो ।

अर्जममा बृहत साँस्कृतीक कार्यक्रम तथा बिबिध कार्यक्रम सम्पन्न


एकता अर्जम साँस्कृतिक समूह, रत्नेचौर म्याग्दीले आफ्नो पाँचौ बार्षिर्कोत्सव तथा बिजयादशमीको पावन अबसरमा आयोजना गरेको बृहत साँस्कृतिक कार्यक्रम बिबिध कार्यक्रम सफलतापूर्बक सम्पन्न  भएको छ। ”लोपोन्मुख संस्कृतिको संरक्षण गरौं, आन्तरिक पर्यटनको प्रवर्दन गरौ” भन्ने मूल नाराका साथ आयोजित कार्यक्रमको प्रमुख अतिथि ईन्द्र थापा मगर ज्यू तथा संस्थाका अध्यक्ष खकेन्द्र थापा मगरले सभापतित्व ग्रहण गरेका थिए । कार्तिक ६ गतेदेखि सुरु भएको कार्यक्रम कार्तिक १० गते समापन भएको थियो। विविध साँस्कृतिक कार्यक्रम, साङ्गितीक कार्यक्रम, एकल नृत्य प्रतियोगिता, एस एल सी उत्तीर्ण बिधार्थीहरुलाई सम्मान, हाजिरीजवाफ प्रतियोगिता, पोखरेली कलाकारहरुको प्रस्तुती, म्याग्दी जिल्लाबाट विशेष पहिचान बनाउन सफल राष्ट्रिय स्रस्टा सम्मान, जेष्ठ नागरिक सम्मान तथा अन्तर वार्ड स्तरिय भलिबल प्रतियोगिता रहेको थियो। खुला एकल नृत्य प्रतियोगिता अन्तर्गत रत्नेचौर ७ की कबिता आलेमगर प्रथम भएर ५,००० आफ्नो पोल्टामा पार्न सफल भर्इन । त्यसैगरि द्दितीय र तृतिय क्रमशः बाग्लुङबजार निबासी सोनम थापा मगर र रत्नेचौर १ की म्याग्दीका प्रमिला पुनमगर भई रु ३,००० र १,००० रुपैया प्राप्त गरिन्। यसैगरि अन्तर वार्डस्तरिय भलिबल प्रतियोगितामा वार्ड नं ९ र वार्ड नं ७ क्रमश प्रथम र द्दितीय भएका छन्। कार्यक्रमा म्याग्दी जिल्लाबाट विशेष पहिचान बनाउन सफल राष्ट्रिय स्रष्टा गायिका धन कुमारी थापा, गायक बिरबहादुर कार्की र साहित्यकार ध्रुबलाल शर्मालाई दोसल्ला तथा सम्मान पत्रद्धारा सम्मान गरिएको थियो । अर्जम गाउँबाट २०६९ सालको प्रबेशिका परिक्षा उत्तीर्ण गर्ने बिधार्थीहरुलाई मायाँको चिनो तथा ११ जना ८० बर्ष माथिका जेष्ठ नागरिकहरुलाई दोसल्ला ओढाएर सम्मान गरिनुका साथै फलफुल बितरण कार्यक्रम पनि गरिएको थियो। कार्यक्रमको अन्तिम दिन पोखरेली कलाकारहरुको बिशेष प्रस्तुति जसमध्ये चेन आलेमगरले कमेडी नृत्य प्रस्तुत र अन्य कलाकारहरुबाट बि-बोईङ, ट्युबलाईट डान्स जस्ता बिबिध प्रस्तुति रहेको थियो । कार्यक्रम आयोजनाका लागि वैदेशिक रोजगार तथा स्वदेशी व्यापार/ब्यवसायमा संलग्न रत्नेचौरवासी तथा अन्य सहयोग दाताहरुले उल्लेख्य मात्रामा आर्थिक सहयोग प्राप्त भएको थियो। सरकारी निकाय बाट कुनैपनि सहयोग नपाएको गुनासो गर्दै, कार्यक्रम अवधिभर २,१२,९२५/- रुपैया सहयोग संङ्कलन भएको संस्थाका अध्यक्ष खकेन्द्र थापा मगरले बताए । स्मरण रहोस्, एकता अर्जम साँस्कृतीक समुहले बिगत ५ सालदेखी निरन्तररुपमा बिजयादशमीको अवसरमा बिबिध कार्यक्रम आयोजना गर्दै आईरहेको छ।

बृहत साँस्कृतीक कार्यक्रम सम्पन्न, भोली पोखरेली कलाकारहरुको प्रस्तुति सहित नित्य प्रतियोगिता हुने

एकता अर्जम साँस्कृतीक समुह, रत्नेचौर म्याग्दीले आफ्नो पाँचौ बार्षिर्कोत्सव तथा बिजया दशमी को पाबन अबसर मा आयोजना गरेको बिबिध कार्यक्रम मध्ये आज बृहत साँस्कृतीक कार्यक्रम  तथा रास्ट्रिय श्रस्ताहरु  सम्मान सफलतापुर्बक सम्पन्न भएको छ। ” लोपउन्मुक संस्कृतिको संरक्षण गरौ, आन्तरिक पर्यटन को प्रबर्दन गरौ ” भन्ने मुल नाराका साथ आयोजित आजको  कार्यक्रमको प्रमुख अतिथी ईन्द्र थापा मगर ज्यू (सल्लाहकार २०६४-०६६; एकता अर्जम सांस्कृतिक समुह ) लाई बनाईएको थियो। आजको कार्यक्रममा गायिका धन कुमारी थापा, गायक बिर बहादुर कार्कि र साहित्यकार ध्रुबलाल शर्मा लाई दोसल्ला तथा सम्मान पत्र द्धारा सम्मान गरिएको थियो। यसैगरि  स्व. तेजिन्द्र स्मृती भबन निर्मानार्थ रु ८०,००० बराबरको जग्गा प्रदान गर्नुहुले श्री प्रेम थापा मगर ज्यू लाई पनि उहाँको अनुपस्थिति भएपनि दोसल्ला तथा सम्मान पत्र प्रदान गरियो। सुरक्षाको कारणले छोट्याईएको कार्यक्रम (दिउसो १ बजे देखि बेलुकी ७ बजे सम्म) अलि खल्लो भएको प्रतिकृया आएपनि भोलिको कार्यक्रम भब्य हुने संस्थाका अध्यक्ष खकेन्द्र थापा मगरले बताउनु भएकोछ। साँस्कृतीक समुहको सम्पर्ण नित्यहरु पनि प्रस्तुत हुन बाँकि रहेको र भोलिको कार्यक्रममा प्रस्तुत गराईने भएको छ। आजको कार्यक्रममा गत बर्ष बिबाह बन्धनमा बाधिनुभएका कलाकारहरु निराजन थापा र निर्जना थापा लाई बधाई तथा मायाँको चिनो प्रदान गरिएको थियो ।

भोलीहुने कार्यक्रम जानकारी

-खुला एकल नित्य प्रतियोगिता।
-एकता अर्जम साँस्कृतीक समुह को तर्फबाट विविध साँस्कृतीक नित्य प्रस्तुति ।
-पोखरेली कलाकारहरुको बेजोड प्रस्तुति (कमेडी नित्य; चेन आले मगर तथा Tubelight Dance, B-boing, Hip Hop dance etc)
-S.L.C. उतिर्ण बिधार्थी हरुलाई सम्मान।
-११ जना ८० बर्ष काट्नुभएका जेष्ठ नागरिकहरुलाई सम्मान।
– बिबिध साङ्गितिक प्रस्तुतिहरु
– पुरस्कार तथा प्रशंसा-पत्र  बितरण।
-समापन समारोह।
ईन्टरनेट समस्याको कारणले तस्बिरहरु राख्न नसकेकोमा क्षमाप्राथी छौ। केहि दिन पछि भिडियो तथा फोटोहरु अपलोड गर्नेछौ।