आफ्ना स्वर्गीय पिता ओमबहादुर बोगटीको १७ औं पुण्य तिथीको अवसर पारी रत्नेचौर-१ का समाजसेवी दिपक बोगटीले १३५ ब्राम्हणलार्इ भेला पारी भोजन गराउने कार्यक्रम सम्पन्न गरेका छन । सम्भवतः जिल्लामै पहिलोपटक सम्पन्न कार्यक्रममा विभिन्न स्थानबाट ब्राम्हणहरू भेला भएका थिए । बोगटीले आयोजना गरेको भोजन कार्यक्रममा उपस्थित ब्राम्हणले विभिन्न धार्मीक ग्रन्थहरू पाठ समेत गरेका थिए । महागरूड पुराण, रूद्री, चण्डी, सुर्यपुराण लगायतका १८ वटा पुराणहरूको पाठ गरिएको कार्यक्रममा गुन्जेको वेदपाठको ध्वनीले वातावरण नै गुञ्जायमान भएको थियो ।

असोज ४ गते सम्पन्न गरिएको उक्त भोजन कार्यक्रममा बोगटीले कार्यक्रममा भजन किर्तनका लागि उपस्थित भजन मण्डलीलार्इ रू ५ हजार तथा वार्ड नं. १, २, ३ र ४ का आमासमूहहरूलार्इ नगद रू ५ हजारका दरले सहयोग गरेका थिए । साथै उनले उपल्लाचौर स्थित उपल्लाचौर प्राथमिक बिधालयलार्इ पनि रू ५ हजार सहयोग प्रदान गरेका थिए । त्यसैगरी, उनले हालै मात्र  संस्कृत दर्शनमा स्नातकोत्तरमा सर्वोत्कृष्ट भर्इ राष्ट्रपति डा. रामबरण यादवका हातबाट सम्मानित हुन पुगेका रत्नपुत्र सुरेश शर्मालार्इ समेत उनको उत्तोरत्तर प्रगतिको शुभकामना सहित पवित्र शिव पुराण प्रदान गरी ओढाइ सम्मान गरेका थिए । विभिन्न १८ पुराणहरू वाचन गरिएको कार्यक्रममा पुराण श्रवणका लागि सयौंको उपस्थिती रहेको थियो ।

(रत्नेचौरबाट फर्केर प्रविण खत्री)

सम्भवतः पहिलो पटक बागलुङ-बेनी-जोमसोम सडक खण्डका लागि यस पटकको बजेटमा ठूलो अंकको बजेट बिनियोजन गरिएको हो । यो पटक यस राजमार्गका लागि नेपाल सरकारले ५६ करोड रूपैया बिनियोजन गरेको छ । उच्च स्रोतका अनुसार, यस रकम मध्येबाटै काम हुने गरी यस आर्थिक वर्ष ०६८/०६९ मा बागलुङ-बेनी सडक खण्डको हालसम्मको पीच भएको स्थान (डोजरे डाँडो) बाट ३ कि.मी थप पिच (झण्डै भुवाने) सम्म र त्यसबाट उताको पूरै भागमा नाली निर्माण तथा ग्राभेलिङको काम हुनेछ । अब यस आ.व.को अन्त्यसम्म रत्नेचौरबासीले बागलुङसम्मै पक्की पीच बाटोमा यात्रा गर्न पाउनेछन् ।

त्यस्तै यस आ.व.मा रत्नेचौर-१ स्थित खेलमैदानलार्इ अञ्चलस्तरीय रंगशालाका रूपमा बिस्तार गर्नका लागि ४ लाख रूपैयाँ विनियोजन गरिएको छ । श्रोतका अनुसार, यो खेलमैदान रंगशालाका रूपमा विकास नहुन्जेल प्रत्येक वर्ष रकम विनियोजन हुँदै जानेछ । यसै आ‍.व‍.मा ५ साले कुलो भनिने पूरानो सिंचाइ आयोजना मर्मतका लागि पनि ढेड लाख रकम बिनियोजन हुने काम भएको छ । यसै आ.व. मा शिक्षा मन्त्रालयबाट प्राप्त हुने गरी भानु उ.मा.वि. को टिनको छानालार्इ फेरि पक्की सिमेन्टेड छाना निर्माणका लागि रू. २० लाख विनियोजन हुने पनि निश्चित भएको छ ।

रत्नेचौरका किसानहरुले आज हरेलो गरेका छन । आषाढ र श्रावणमा दुई महिना लगाएर धान रोप्ने काम सम्पन्न गरेपछि किसानहरुले हरेलो गर्ने गर्दछन । रत्नेचौर २ का युवा ब्यवसायी शंकर महतका अनुसार सबै किसानहरुले धान रोपिसकेपछिको पहिलो मंगलबार हरेलो गर्ने प्रचलन रहि आएको छ । हेरेलो गर्दा चामलको पीठोको चरा, मुसा पनि बनाइन्छ । साथै ३ चोके खिर्रराको डालोमा रातो सेतो धजा तथा भोर्लाको पातमा मास,ढुटो पोको पारी झुन्ड्याइने काम गरिन्छ । पूजा गर्दा समिे भूमेलाई सम्झिने काम गरिन्छ ।

हरेलोको सामाग्री तयार पार्दै भानु उ.मा.वि.का पूर्व शिक्षक खमबहादुर थापा

लाचौर हरेलोका लागि जाँदै गोविन्द थापा र बिष्णु कार्की

लौ म त हिडेँ हरेलो गर्नः कृष्ण बोगटी आफ्नो खेततर्फ जाँदै

हेरलो पूजा गर्दै बेलबहादुर महत

अनुच्छेद तथा तस्बीर: नीराजन शिरीष