रत्नेचौर-१, निवासी रेशमबहादुर बोगटीका बुहारी (श्रीमती गणेश बोगटी) ले २०६७ आश्विन २४ गते आइतबार छोरा जन्माए पछि बोगटी बन्धुहरूको समेत यसपालीको दशैं प्रभावित बनेको छ । यसपालीको दशैं बोगटी र महतबन्धुहरूका लागि खासै उत्साह जनक नहुने भएको छ । तथापि बोगटी बन्धुहरूले टिका र जमरामात्र ग्रहण नगरे पनि मासुभात भने खान मिल्नेछ । साथै ३१ गते दशैं भएको र त्यतिन्जेल सम्म ७ दिन पुग्ने भएकाले न्वारन समेत गरी टिका, जमरा ग्रहण गर्न सक्ने सम्भावनालार्इ भने नकार्न सकिदैन । तर सुत्केराका कारण दुर्गा पुजा गर्न सम्भव नभएकाले टिका, जमरा गर्ने सम्भावना नरहन पनि सक्दछ ।

तर जुठो परेका कारण महत बन्धुहरूका लागि भने यसपालीको दशैं निरशलाग्दो भएको छ ।

एकता अर्जम सांस्कृतिक समुह
जि.प्र.का., म्याग्दी द.नं. १८०/०६६/०६७

सर्बप्रथम त नेपालीहरुको महान पर्व शुभ बिजया दशमीको हार्दिक मंगलमय शुभकामना व्यक्त गर्न चाहन्छौ ।
यस एकता अर्जम साँस्कृतिक समुहले तेस्रो वर्ष सफलतापूर्वक पार गरी चौथो वर्षमा पाइला अगाडी बढाउदै शुभविजया दशमी २०६७ को पावन अवसरमा विविध कार्यक्रमहरु आयोजना गरेको कुरा सहर्ष जानकारी गराउन चाहन्छौ ।
विशेष त हाम्रो लोक संस्कृती, रितीरीवाज, परम्परालाई जिवन्त राख्नु हाम्रो मुख्य उद्भेश्य हो । हामी हाम्रो बस्तीमा एउटा छुट्टै परम्पराको थालनी गर्न चाहन्छौ । जहाँ विजया दशमी सँगै हाम्रो गाउँ समाजको नाम अगाडि आओस् । त्यसैले विगतका वर्षहरुमा जस्तै यस वर्ष पनि वृहत सांस्कृतीक कार्यक्रमको आयोजना गरेका छौ“ । विकासको पहिलो खुड्किलो शिक्षा हो । यसको महत्व दर्शाउदै युवावर्गलाई शैक्षिक क्षेत्रमा अग्रसर गराउनको लागि उत्कृष्ट विधार्थी सम्मान कार्यक्रम तथा आर्थीक अवस्था कमजोर भएका दलित, जनजाती, लगनशील विधार्थीहरुलाई, “जेहन्दार विधार्थी छात्रवृत्ती” कार्यक्रम पनि आयोजना गरेका छौं । तथा जीवनको उतारार्द्धका पलहरू बितार्इरहनु भएका हाम्रा आदरणीय वृद्धा बुबा आमाहरुलाई सम्मान गर्ने कार्यक्रम पनि आयोजना गरेका छौं ।हामीलाई तपाइहरुको माया, ममता, सल्लाह, सहयोगको सदा खाँचो रहन्छ । तपाइहरुको माया ममताले गर्दा नै अहिले हामी यो स्थानसम्म आइपुगेका हौं । आशा छ भोलिका दिनहरुमा पनि यसरी नै सहयोगको हातहरु अगाडी बढाउनुहुनेछ । अन्त्यमा हाम्रो कार्यक्रमहरु अवलोकन गरेर सहयोग गर्नुहुनेछ भन्ने अपेक्षा राख्दछौ“ ।
कार्यक्रम :
१. वृहत सांस्कृतीक तथा साङ्गीतिक कार्यक्रम
२. जेष्ठ नागरीक सम्मान कार्यक्रम
३. विधार्थी सम्मान कार्यक्रम
४. जेहन्दार विधार्थी छात्रवृती कार्यक्रम
मितीः– २०६७/६/३१ (विजयादशमीको दिन )
स्थानः–श्री रामचन्द्र नि. मा. वि को प्राड्डण रत्नेचौर
अर्जम म्याग्दी
समयः–दिउसो १२ बजे
नोट : आयोजक यहाँको आर्थिक, भौतिक तथा नैतिक सहयोगको अपेक्षा राख्दछ, कृपया यहाँले प्रदान गर्न सक्ने सहयोगका लागि यसै पोष्टको मुनि कमेन्ट बक्समा प्रतिबद्भता ब्यक्त गरि सहयोग गर्नुहोला वा इमेल thp_native@yahoo.com मा सम्पर्क गर्न समेत सकिने जानकारीका लागि निवेदन गरिन्छ ।

“विजयादशमी भव्य तथा सभ्य रुपमा मनाऔ“

रामचन्द्र थापा मगर, रत्नेचौर
हामीलार्इ ढिलो गरी प्राप्त समाचार अनुसार रत्नेचौर युवा क्लबले हरितालिका तिज पर्वका अवसरमा आयोजना गरेको खेलकुद प्रतियोगीता भव्यताका साथ सम्पन्न भएको छ ।
जिल्लामै एउटा क्लबले अञ्चल स्तरीय प्रतियोगिता आयोजना गरी सम्पन्न गरेको सम्भवत यो पहिलो पटक हुनु पर्छ । अंचलका दर्जन बढी उत्कृष्ट भलिबल टिमहरू सम्मिलित खेलमा म्याग्दी भलिबल ट्रेनिङ सेन्टरले ११ हजार १ सय ११ नगद पुरस्कार रहेको प्रथम स्थान हासिल गरेको थियो । अति नै रोमान्चक खेल पस्केको म्याग्दी भलिबल ट्रेनिङ सेन्टर, छोटो समयमै राष्ट्रिय स्तरको टिम बन्न सफल भलिबल टिम हो । त्यस्तै ७ हजार ७ सय ७७ पुरस्कार राशि भएको द्दितीय स्थानमा राधाकृष्ण युथ क्लब गौश्वाराले चित्त बुझाउनु परेको थियो ।
त्यस्तै गरी फुटबल तर्फको पहिलो र दोश्रो स्थानमा बाग्लुङे टिमले कब्जा जमाएका थिए । रूद्रेपिपल युथ क्लबले पहिलो र दोश्रो स्थान रामरेखा युथ क्लबले हासिल गरेका थिए । साथै छेलोमा रत्नेचौर ४ का केशर रोका एवं अन्धो निशानामा रत्नेचौर २ का सुजन थापा विजयी भएका थिए ।
संगम बाल क्लबको संयोजनमा हरितालिका तिजका दिनमा विविध साँस्कृतिक तथा साहित्यिक कार्यक्रमहरू संचालन गरिएका थिए । साँस्कृतिक कार्यक्रम सरोज रावल संगमको संचालनमा भएको थियो ।
प्रतियोगिताका फोटोहरू रत्नेचौर युवा क्लबको फाइलमा प्रविष्टी गरिएको छ । हेर्नका लागि रत्नेचौर युवा क्लबको फाइल खोल्नुहोला ।