साइकल चढेर कार्यालय जादैँ निलकण्ठ शर्मा

चार पाँच वर्ष अगाडि उहाँ बागलुङ् आफ्नो अफिसबाट लखर – लखर घरतिर आउँदै गर्दा मैले उहाँलाई घैयारामा भेटेको थिएँ । उहाँलाई भेट्दा साथ मैले सोधेथें – “मामा हजुरले बुढानिलकण्ठमा नाम निकाल्नु भएको थियो रे नि हो ?” उहाँले आफ्नो टाउको हल्लाउँदै स्वीकारोक्ति सूचक भावमा भन्नुभयो – “हो भानिज, नाम त निकालिएको थियो क्यारे घरको स्थितीले पढ्न जान पाइएन ।” “साँच्चि मामा त्यहाँ पढ्न गएको भए त नाम चलेको मान्छे हुनुहुन्थ्यो होला नी हैं !” मैले उहाँको प्रतिभाका बारेमा नजरअन्दाज गर्दै सोधेँ । उहाँले भन्नुभयो – “सायद डा. (एमबिबिएस) भईन्थ्यो होला भे.डा. (भेटनरी डाक्टर) भइयो ।” उहाँको रसिक जवाफले म भुतुक्कै परेको थिएँ त्यतिबेला ।
वास्तवमै प्रतिभावान उहाँ अहिले जिल्ला पशु स्वास्थ्य कार्यालयको सुब्बा हुनुहुन्छ । उहाँलाई फेरि केहि दिन अगाडि गाउँ गएको समयमा उहाँ अफिस जादैँ गर्दा मैले ढोडेनीको पूल नजिकै साईकलमा भेटेँ र यो फोटो खिचेको थिएँ । उहाँले कुराकानीको क्रममा अब छिट्टै नै आन्तरिक प्रतिस्पर्धाबाट वरिष्ठ पशु अधिकृत बन्ने कुरा सुनाउनु हुँदा मलाई यो रत्नेचौरबासीका लागि गौरवको कुरा लाग्यो । त्यसैले उहाँको बारेमा केहि लेख्ने दृष्टता गरेको हुँ । उहाँको सफलताको हार्दिक शुभकामना ! आगे तपाइँहरुको विचार !

मृतक दिलकुमारी थापाको शव

रत्नेचौर १ किराखोर निवासी ७५ वर्षीय दिलकुमारी थापाको बैशाख १ गते उपचारको क्रममा पोखरास्थित मणिपाल शिक्षण अस्पतालमा निधन भएको छ । लामोसमयदेखि श्वासप्रश्वास सम्बन्धी रोगबाट ग्रसित स्वः थापाको आज बैशाख २ गते रत्नेचौर –५, स्थित झिल्पोक भन्ने स्थानमा दाहसंस्कार गरियो । स्वः थापाका एक मात्र छोरा शिव थापा रोजगारीका शिलशिलामा मलेशियामा कार्यरत रहेको हुँदा क्रियाकर्म नीजका देवर सोमबहादुर थापाले गर्नुभएको छ ।