क्लब पुनर्गठित, कार्यक्रमको सुरक्षा जिल्ला प्रहरी कार्यालयले गर्ने

हालै एक भेलाले रत्नेचौर युवा क्लबको समिति पुर्नगठन गरेको छ । रत्नेचौर ४ निवासी ओम रोकाको अध्यक्षतामा ११ सदस्यीय समिति पुनर्गठन गरिएको हो । समितिको उपाध्यक्षमा ४ का मन्नु रावल, सचिवमा १ का हरि महत, सहसचिवमा २ का सुजन थापा, कोषाध्यक्षमा १ का कृष्ण बोगटी र सदस्यहरुमा २ का बेलबहादुर महत र जितेन्द्र अधिकारी १ का हरि बोगटी, हिरासिंह बोगटी, जितबहादुर महत र ४ का पूर्ण थापा मगर रहेका छन् । भेलाले ५ सदस्यीय सल्लाहकार समिति समेत गठन गरेको छ । सल्लाहकार समितिमा रत्नेचौर ४ निवासी समाजसेवी टेकबहादुर रावल तथा बसन्त बोगटी लगायत हुनुहुन्छ ।
कार्यक्रमलाई सुरक्षित र मर्यादित रुपमा सञ्चालनका लागि कार्यक्रमको अवधी छोट्याइएको जानकारी कोषाध्यक्ष कृष्ण बोगटीले टेलिफोन मार्फत दिनुभएको छ । साथै कार्यक्रम अवधिभर जिल्ला प्रहरी कार्यालय, म्याग्दीले सुरक्षाकर्मी खटाउने पनि जानकारीमा आएको छ । हालसम्म सन्तोष रावलले सुदिप मेमोरियल कोषबाट रु. २० हजार, दिपक बोगटीले रु १० हजार, शिब बोगटीले रु ७ हजार ७ सय ७७, नीराजन थापाले ५ हजार ५ सय ५५ र केहि गैर्हसरकारी संघसंस्थाहरुले पनि सहयोग गर्ने प्रतिबद्धता ब्यक्त गरेको कार्यक्रम व्यवस्थापनका एक सदस्य शंकर महतले जानकारी गराउनु भयो ।

रत्नेचौरमा अञ्चलस्तरीय प्रतियोगित हुने

रत्नेचौरमा पनि युवाहरुको क्लब छ भनेर सुन्दा धेरैलाई आश्चर्य लाग्न सक्ला । तर एक दशकभन्दा बढीको इतिहास बोकेको यस क्लब मजबुत रुपमा कहिल्यै परिचित नभएकाले धेरैलाई यस्तो लाग्नु स्वभाविकै हो । धेरै बर्ष पछि रत्नैचौरका केहि जुझारु युवाहरुको साझा प्रयासमा यो ब्युँतने प्रयास गरिरहेको छ । तर त्यसका लागि कारणवशः स्वेदशमा नरहेका तपाइँ हामीहरु जस्तै अरु युवाहरुको आर्थिक तथा नैतिक समर्थनको समेत अत्यन्तै खाँचो रहन्छ ।
यस ब्लगका स्थानीय सम्वाददाता तथा रत्नेचौर २, निवासी युवा व्यवसायी शंकर महतले मलाई यस ब्लग मार्फत आर्थिक सहयोग जुटाउनका लागि बारम्बार अनुरोध गरेकाले र उपलब्ध हुने आर्थिक सहयोगको सहि सदुपयोग हुने प्रतिबद्धता जनाएकाले यस सहयोग कार्यक्रमका लागि आर्थिक सहयोगको लागि आव्हान गरिएको हो । Continue reading