रत्नेचौरमा एमाले गाउँ अधिवेशन, अध्यक्षमा बोगटी

रत्नेचौरमा एक प्रतिस्पर्धी मुख्य दलको हैसियतमा रहेको ने.क.पा. (एमाले) ले आफ्नो पहिलो गाउँ अधिवेशन सम्पन्न गरेको छ । लामो समयदेखि रत्नेचौर—४, निवासी टेकबहादुर रावलको अध्यक्षतामा क्रियाशिल गाउँ कमिटिले अधिवेशन पछि भने नेतृत्वमा नयाँ अनुहार पाएको छ । एक समारोह बिच एमाले म्याग्दीका अध्यक्ष हरिकृष्ण श्रेष्ठले कार्यक्रमको उदघाटन गरेका थिए । कार्यक्रममा एमाले जिल्ला कमिटि म्याग्दीका पूर्व सचिव तथा जि.वि.स म्याग्दीका भू.पु उपसभापति भूपेन्द्रबहादुर थापा, जिल्ला कमिटि सचिव खुमबहादुर बानियाँ, सदस्य सन्तोष रावल, बालकृष्ण सुवेदी लगायतले मन्तव्य व्यक्त गरेको बताइएको छ । कार्यक्रमको सभापतित्व गाउँ कमिटि अध्यक्ष टेकबहादुर रावल र सञ्चालन सचिव नीरबहादुर थापाले गरेको जनाइएको छ । Continue reading
Advertisements

ने.का.को गाउँ अधिवेशन सम्पन्न

नेपाली कांग्रेसले यसै वर्ष आफ्नो महाधिवेशन गर्ने तयारी गरिरहेको बेला ने.का. रत्नेचौरले पनि आफ्नो गाउँ अधिवेशन सम्पन्न गरेको छ । आफ्ना करिब ५ दर्जन संगठित सदस्य र शुभेच्छुकको एक भेलाबाट यहि श्रावण १६ गते बेनीमा आयोजना हुन लागेको जिल्ला अधिवेशनका लागि १० जना प्रतिनिधि छनौट गर्ने काम समेत सम्पन्न गरेको छ ।
छनौट भएका प्रतिनिधिमा ने.का. जिल्ला कार्य समितिका उपसभापति नेत्रबहादुर महत र सदस्य देबी रावल समेत रहेका छन् । अन्य प्रतिनिधीहरुमा गोविन्द शर्मा, कमला किसान र मिनबहादुर खत्री (रत्नेचौर–४), चन्द्रकला आले र नन्दकुमार श्रेष्ठ अर्जम त्यसैगरी मोहन महत (रत्नेचौर–२), सन्ते थापा (रत्नेचौर–३) र बिक्रम बोगटी (रत्नेचौर–५) रहेका छन् ।