साहित्य समाजलार्इ रू. ५५ हजार रकम हस्तान्तरण

रत्नेचौर २, (हालः बेनी नगरपालिका १) निवासी युवा तथा पौलस्त्य साहित्य समाज म्याग्दीका उपाध्यक्ष युवा लेखक नीराजन शिरीषले आफ्नो युरोप यात्राको क्रममा संचालित कार्यक्रम साहित्यका लागि शिरीष यात्रा का क्रममा बेल्जियमको आन्टरपेनमा संकलित सहयोग रकम रू. ५५ हजार म्याग्दी पुस्तकालय बेनीमा आज आयोजित एक कार्यक्रमबीच हस्तान्तरण गरेका छन ।

मोना बेल्जियमले आयोजना गरेको कार्यक्रममा मञ्च उपलब्ध गरार्इ उनलार्इ उक्त रकम संकलन गर्न सहयोग पुर्याउने रत्नेचौरका (हालः बेल्जियम) निवासी युवाद्भय प्रदिप थापा सुमन र चन्द्रप्रकाश शर्माको सहयोग तथा सौहार्दताका लागि आफू अत्यन्तै कृतज्ञ रहेको बताउँदै शिरीषले आफ्नो यात्राका बारेमा बर्णन गरेका थिए । साथै पौलस्त्य साहित्य समाजको अक्षय कोषलार्इ कम्तिमा एक लाख सम्म पुर्याउनका लागि आफूले हरसम्भव प्रयास गर्ने प्रतिबद्दता ब्यक्त गरेका थिए । प्रमुख अतिथिका आसन बाट मन्तब्य ब्यक्त गर्दै कार्यक्रममा सहयोगी तथा मोना बेल्जियमका सल्लाहकार चन्द्रप्रकाश शर्माले म्याग्देली विकासका लागि मोना बेल्जियम सधैं तत्पर र प्रतिबद्भ रहेको बताएका थिए ।

कार्यक्रममा म्याग्दी साहित्य समाजका अध्यक्ष ध्रुबलाल शर्मा, मधुसुदन स्मृती साहित्य प्रतिष्ठानका अध्यक्ष दामोदर घताने, पौलस्त्य साहित्य समाजका संस्थापक अध्यक्ष तथा संरक्षक भक्त कार्की र नेपाल पत्रकार महासंघ जिल्ला शाखा म्याग्दीका सभापति सुरज के.सी. ले मन्तब्य ब्यक्त गरेका थिए । कार्यक्रमको सभापतित्व समाजका अध्यक्ष दिपक बिर्खचीले गरेका थिए । २ दर्जन साहित्यिक ब्यक्तित्वहरूको उपस्थिती रहेको कार्यक्रमको सञ्चालन समाजका सचिव कमल बानियाँले गरेका थिए । कार्यक्रमका केही झलकहरू तल तस्बीरमा हेर्नुस । तस्बीर ठूलो साइजमा हेर्नका लागि सम्बन्धित तस्बीरमा क्लिक गर्नुहोला ।

‘साहित्यका लागि शिरीष-यात्रा’ अभियानका सहयोगीहरू

मेरो साहित्यिक यात्रा अभियानलार्इ आर्थिक तथा नैतिक रूपमा सहज पार्नका लागि विभिन्न ब्यक्तित्वहरूको सदाशयता र सहयोगका लागि म आभारी छु । सर्वप्रथम, त यो अभियानका बारेमा अति नै उत्सुक रहि आर्थिक सहयोगको लागि सबभन्दा पहिले प्रतिबद्दता जनाउनु हुने दिदी, बिना बुढाथोकीलार्इ आभार प्रकट गर्न चाहन्छु । साथै इजरायलमै कार्यरत अर्की सहयोगी दिदी माया (पवित्रा) आलेलार्इ पनि धेरै धेरै आभार प्रकट गर्न चाहन्छु । यो अभियानको सफलताको लागि नैतिक समर्थन गरिदिनु भएकोमा म मामा सरोज क्षत्री प्रति पनि आभारी छु । उहाँकै सद्भभावका कारण फ्रान्समा अध्ययनरत मेधावी छात्र, भार्इ कमलबिक्रम केसीसँग सम्पर्क स्थापित भएको र त्यहाँ कार्यक्रम भव्यतापूर्वक सफल हुने विश्वास लिएको छु ।

हालसम्म अभियानका लागि प्राप्त सहयोग रकम र सहयोगको विवरण तल उल्लेख गरेबमोजिम रहेको सहर्ष जानकारी गराउँदछु ।

१) बिना बुढाथोकी इजरायल, यु.एस डलर १००।-
२) माया आले इजरायल, यु.एस डलर ५०।-
३) प्रदिप थापा सुमन, रत्नेचौर-२, हालः बेल्जियम, वश्लोदेखि ब्रसेल्ससम्मको प्लेन टिकट स्पोन्सर
४) एक फिलिपिनी महिला साथी (नाम उल्लेख नगर्ने शर्तमा) ट्रोम्सोदेखि वश्लो सम्मको प्लेन टिकट स्पोन्सर (यु.एस डलर ८५ बराबर)
५) सरोज क्षत्री साउदी अरेबिया, फ्रान्समा रहेका कमलबिक्रम केसी सँग सम्बन्ध स्थापित गराएर त्यहाँ बस्ने तथा कार्यक्रमको चाँजोपाँजो मिलाउनमा सहयोग ।

यदि यहाँहरू पनि आर्थिक वा नैतिक समर्थन गर्न चाहनुहुन्छ भने कृपया जतिसक्दो छिटो तलको ठेगानामा सम्पर्क गरिदिनु हुनका लागि सविनय अनुरोध गर्दछु ।

मनी ट्रान्सफरबाट सहयोग पठाउन चाहुनु हुन्छ भने निम्न ठेगानामा सम्पर्क गर्न सक्नुहुन्छ ।

Nirajan Thapa
Jonas Lies Gate 31, post box 9009, Tromsø, Norway
Contact no. 0047 47709243

बैङ्क मार्फत सहयोग गर्न चाहनुहुन्छ भने निम्न ठेगानामा सम्पर्क राख्नुहोला ।

A/c holder’s name: Nirajan Thapa
IBAN : NO1764200640797
Bank: Nordea Bank,
Swift code: NDEANOKK

Street Address: Grønnegata 80
9008 Tromsø, Norway

पुनश्चः आर्थिक सहयोगमात्र सहयोग नभएकाले नैतिक समर्थनको पनि हार्दिक स्वागत गर्ने जानकारी गराउँछु । साथै प्रत्येक कार्यक्रमको प्रत्यक्ष ब्लगिङ मेरो ब्यक्तिगत ब्लग http://www.thapanirajan.blogspot.com मार्फत गर्नेछु र आवाज सहितको प्रत्यक्ष प्रसारणका लागि केहि दिन पश्चातः जानकारी गराउनेछु । धन्यवाद ।

विनीत
नीराजन शिरीष

उ बेलाको याद


लेखक नारायण बोगटी

भुल्यौं होला पहिले हाम्ले गुन्द्रुक सँग ढिंढो खा’को,
खर्को छानो चुहिएर चोटा भरी छाल आ’को ।
मकै भट्ट पोको पारी झोला बोकी स्कुल गा’को,
ठुलो बन पाखा बाट दाउर बोकी घर आ’को ।
गोठालोमा सङ्गीसँग लुका मारी खेली आउँदा,
बस्तु भाउले बाली मास्थ्यो घर पुग्दा झापाड पा’को।
उ बेलाको याद आउँदा मनमा कस्तो पिडा हुन्छ?
सुन्दर मेरो गाउँको यादले आज यो मन साह्रै रुन्छ…
आज यो मन साह्रै रुन्छ !

हालः दक्षिण कोरिया