एमाले अञ्चलमा भूपेन्द्रबहादुर थापा निर्वाचित

एकराज सुवेदी (काठमाण्डौंबाट)

रत्नेचौर २ निवासी, ने.क.पा (एमाले) म्याग्दीका भू.प् जिल्ला कमिटी सचिव तथा जिल्ला बिकास समिति म्याग्दीका निबर्तमान उपसभापति भूपेन्द्रबहादुर थापा एमाले धौलागिरि अञ्चलको अञ्चल कमिटि सदस्यमा सबैभन्दा बढी मत ल्याउनेमा दोश्रो स्थान (कुल मत १४ मा १०) हासिल गर्दै निर्वाचित हुनुभएको छ । सबैभन्दा बढी ११ मत ल्याउनेमा पर्वतबाट डम्मरकुमारी गुरूङ हुनुहुन्छ ।
पुष १८ गते बागलुङमा सम्पन्न अधिवेशनले ७ सदस्यीय कमिटि निर्वाचित गरेको हो । म्याग्दी जिल्लाबाटै उम्मेदवार हुनु भएका निर्वतमान अञ्चल कमिटि सचिव तथा भू.पु जिल्ला सभापति नवराज शर्माले जम्मा ५ मत प्राप्त गरि निराशाजनक पराजय ब्योहोर्नु परेको छ । यस अगाडि यसै कमिटीको मुख्य पद सचिवमा निर्वाचित शर्माको हार अनपेक्षित हो । बिधान अनुसार अञ्चल कमिटिको निर्वाचनमा अञ्चलभरका जिल्ला कमिटिका अध्यक्षहरू, सबै जिल्लाका राष्ट्रिय प्रतिनिधी परिषदमा प्रतिनिधित्व गर्ने सदस्यहरू र केन्द्रिय सदस्यहरूले मत खसाल्न पाउँछन् । स्रोतका अनुसार भूपेन्द्रबहादुर थापाको अञ्चल कमिटि सचिव हुने सम्भाबना अति नै बलियो छ । अब हुने सचिवको निर्वाचनमा २१ मत हुनेछन् ।

ड्रम बजाउँदै शिव

यो ब्लग सञ्चालनमा ल्याउनुको उद्देश्य गाउँका खबरलार्इ राख्नु मात्र थिएन । यसको एउटा उद्देश्य रत्नेचौर गा.वि.स भरी रहेका युवा प्रतिभाहरूलार्इ प्रकाशमा ल्याउनु पनि हो । मलार्इ राम्ररी थाहा छ, कमानसिंह थापामगर (इन्जिनियर हालः संयुक्त अधिराज्य अमेरिका), बिजय शर्मा (हालः पूर्ण छात्रबृतिमा एमबिबिएस अध्ययनरत), बिष्णु शर्मा (धौलागिरिकै उदियमान युवा पत्रकार), किरण बोगटी (ग्राफिक्स डिजाइनर), दिपक बोगटी (उदियमान ब्यापारी), भूपेन्द्रबहादुर थापा (राजनीतिज्ञ), शितल शर्मा (उदियमान पर्यटन व्यवसायी), सन्तोष रावल (युवा नेता) तथा सुरेश शर्मा (भागवत गीता महापुराण वाचक) लगायत व्यक्तित्वहरूको सफलताको कथालार्इ समेत प्रकाशमा ल्याउने ।

यसै क्रममा आज मैले यूटुबमा एउटा भिडियो भेट्टाउन सफल भर्इ यहाँ राखेको छु । जहाँ बिगत साढे २ वर्षदेखि अध्ययनका क्रममा डेनमार्क रहेका शिब बोगटीले एउटा भव्य सांगितिक प्रस्तुतीमा ड्रम बजाइरहेका छन् तल भिडियो हेर्नुस र आफ्नो धारणाहरू लेख्नुस । म पछि पछि सबै सफल युवाहरूको कथालार्इ विस्तुतमा लेखेर यहाँहरू माझ प्रस्तुत गर्ने वाचा गर्छु ।

रावल युवासंघ विभाग सचिवमा चयन

युवा संघ नेपालका विदेश विभाग सचिव सन्तोष रावल

रत्नेचौर-४, निवासी सन्तोष रावल हालै एमाले समर्थित युवा संघ, नेपालको विदेश विभाग सचिवमा चयन भएका छन् । यहि आश्विन २० गते बसेको संघको केन्द्रिय बैठकले रावललार्इ संघको विदेश विभाग सचिवमा चयन गर्ने निर्णय गरी जिम्मेवारी सुम्पेको हो ।
म्याग्दी जिल्लाबाटै कुनै पनि राजनैतिक भातृ संगठनको सबभन्दा उपल्लो तहमा चयन हुने रावल पहिलो हुन । युवा संघ नेपाल, युवा तथा विधार्थीको विश्व संगठनको उपाध्यक्ष हो । संगठनको अध्यक्ष पोर्चुगलको एक संगठन रहेको छ । डिसेम्बर १३ देखि २१ सम्म दक्षिण अफ्रिकामा हुन गैरहेको विश्वका युवा तथा विधार्थीको महोत्सवका सम्बन्धमा समेत बैठकले केहि महत्वपूर्ण निर्णयहरू गरेको रावलले हाम्रो ब्लगलार्इ जानकारी गराएका छन् ।
बैठक संघका विदेश विभाग प्रमुख राजीव पहारीको अध्यक्षतामा बसेको थियो ।

पसिना बगाए यहि फल्छ मोती

अञ्चलमा अति नै प्रतिष्ठित गैर्‍हसरकारी संस्था धौलागिरि सामुदायिक श्रोत विकास केन्द्र बाग्लुङमा कृषि प्राविधिकका रुपमा १३ वर्षसम्म जागिर गरेपछि उहाँलाई थाहा लाग्यो – जागिर खाएर प्रगति लगभग असम्भव छ । जागिर जीविकोपार्जनका लागि भन्दा पनि बढी निर्वाहमुखी मात्र भयो भन्ने उहाँले ठम्माउनु भयो अनि उहाँको दिमागमा एउटा योजना फुर्‍यो – राम्ररी उपयोग हुन नपाएको आफ्नै बारीमा व्यावसायिक तरकारी खेती गर्ने ! उहाँ अर्थात रत्नेचौर –४ निवासी ४१ वर्षिय नीरबहादुर थापा ।
घरनजिकैको धारामा खेर गईरहेको पानीलाई संकलन गर्नका लागि २० हजार लिटर क्षमताको प्लाष्टिक पोखरी निर्माण गरिसकेपछि उहाँ आफ्नो व्यवसायिक सफलतामा अझ अरू ढुक्क हुन सकेको बताउनुहुन्छ । अहिले उहाँको बारीमा लगभग १२ क्विन्टल उत्पादन दिन सक्ने करेलाका बोटहरू छन् । तर लामोसमयदेखि गाउँमा पानी नपर्नाले उहाँ अलिकति चिन्तित पनि हुनुहुन्छ । तर जब उहाँका आँखाहरू आफ्नो २० हजार लिटर क्षमताको प्लाष्टिक पोखरीमा पुग्छन् अनि उहाँ केही आशावादी बन्नुहुन्छ । र, मुस्काउँदै निश्चिन्त हुनुहुन्छ – कि सिंचाईको समस्या भने पर्दैन् । पर्न दिदिँन् । खाडीको टाउको दुख्ने घाममा गैची बेल्ता गर्ने आफ्नै गाउँले दाजुभाईप्रति उहाँलाई ठूलो दया जागेको महशुस हुने बताउँदै उहाँ भन्नुहुन्छ, “खाडीमा बगाउने पसिना आफ्नै गाउँ ठाउँमा बगाउने हो भन्ने शिर उठाएर जिउन सकिन्छ । भर्खर मात्र व्यवसायिक तरकारी खेतिमा कटिबद्ध भएर लागि पर्नु भएका थापा एकदिन जिल्लाकै नमुना तरकारी उत्पादक हुन सक्ने विश्वास ब्यक्त गर्नुहुन्छ, उहाँकै छिमेकी तथा चीरपरिचित समाजसेवी टेकबहादुर रावल । उहाँको व्यवसायिक तरकारी खेतीको सफलताका लागि हाम्रो पनि शुभकामना !