शितलको प्रयासमा भानु मा.वि.ले पायो १० थान कम्प्यूटर

नीराजन शिरीष

 

सामूहिक तस्बीर साथमा शितल शर्मा

 

हामीलार्इ ढिलो गरि प्राप्त समाचार अनुसार, रत्नेचौर १ घर भै, हालः ठमेल काठमाण्डौं स्थित नेपाल ड्रिम ट्राभल एजेन्सीकि बजार निर्देशक तथा त्यसै संस्थाकि एक अंशियार समेत रहेकी शितल शर्माको प्रयासमा श्री भानु माध्यमिक बिधालय रत्नेचौरमा १० थान कम्प्यूटर हस्तान्तरण गरिएको छ । गत मंसिर १९ गते कम्प्यूटर हस्तान्तरण कार्यक्रमकको आयोजना गरी उक्त कम्प्यूटरहरू हस्तान्तरण गरिएको हो थियो ।

नेपाली क्षेत्रबाट प्रथमपटक सगरमाथा आरोहण गर्ने पहिलो चाइनिज ह्वाङ नुवोले उक्त सहयोग गरेको समेत शर्माले हामीलार्इ जानकारी गराएकी छिन् । शर्माका अनुसार बेइजिङमा रहेको एक प्रतिष्ठित ब्यवासायि समूह झोङ्गकुन इन्भेस्टमेन्ट ग्रुपका कार्यकारी अध्यक्ष नुवोले एसिएर ब्रान्डका कम्प्यूटर ताइवानबाट खरिद गरेका हुन । रत्नेचौर गा.वि.स. मै सम्भवतः यति ठूलो परिणामको सहयोग जुटेको यो पहिलो अवसर हुनुपर्छ । उनिसँगको मेरो संस्मरण पढ्नलार्इ http://www.thapanirajan.blogspot.com हेर्नुहोला ।

कस्ता छन् कम्प्यूटर ? : बिधार्थीहरू चियाउँदै ।

रत्नेचौरमा आधुनिक खेति प्रणालीको शुरूवात !

यो तलको फोटो हेर्नुस । र, यो ट्याक्टरले ठ्याक्कै कसको खेतमा जोतिरहेको छ अनुमान गर्नुस । सहि अनुमान गर्नेहरू मध्ये एकजनालार्इ आकर्षक पुरस्कारको व्यवस्था गरिएको छ । तपार्इको अनुमान कमेन्ट बक्समा लेख्न सक्नुहुनेछ । मर्यादाक्रम अनुसार प्राथमिकता दिइनेछ, अर्थात फस्ट कम फस्ट सर्भ । ट्याक्टरले नै किन जोत्नु पर्यो ? के अब रत्नेचौरमा आधुनिक कृषि प्रणाली भित्रिएकै हो त ? यससम्बन्धी विस्तृत जानकारी केहि दिन पछि अपडेट हुँदैछ ।

ट्याक्टरल जोत्दैछ अब यहाँका फाँटहरूमाः फोटो सुरत केसी

दशैं बिशेष कार्यक्रम

संगम बाल क्लब, श्री भानु मा.वि. को आयोजनामा प्रस्तुत नृत्य । यो फोटो आज दिउँसो ३ बजेतिरको हो । र यसलार्इ आधा घण्टाकै समयमा यहाँ समावेश गर्न सफल भएका छौं । यो फोटो रत्नेचौर २, निवासी सबिना थापाको सहयोगमा यहाँ राखिएको हो ।

हामीलार्इ प्राप्त पछिल्लो समाचार (श्याम खत्रीका) अनुसार साँस्कृतिक कार्यक्रम आयोजना गरी आफ्नो सृजनात्मक प्रस्तुतिले उपस्थित रत्नेचौर बासीलार्इ मनोरन्जन दिएकोमा अझ बढी प्रगति र सृजनात्मक हुने प्रेरणा मिलोस् भन्ने हेतुले समाजसेवी तथा व्यापारी दिपक बोगटी (हालः मलेशिया) ले रू. २० हजार नगद सहयोग गर्नुभएको थियो । रत्नेचौरमा कुनै पनि ब्यक्तिले संघ संस्थालार्इ यति ठूलो रकम नगदै सहयोग गरिएको पहिलो पटक हो । यसभन्दा अगाडि २०५६ को आम निर्वाचनमा नेपाली कांग्रेसका तत्कालिन उम्मेदवार स्वर्गिय कर्णेल नारायण सिंह पुनले रत्नेचौर युवा क्लबलार्इ रू. १० हजार नगद प्रदान गरेका थिए ।

दशैं कार्यक्रममा नाँच्दै फोटोः सबिना थापा