गाउँमा रेडक्रसको भवन बनाउन बिदेशमा खेलको आयोजना गरिदैँ

रेडक्रस रत्नेचौर उपशाखाको जिर्ण भवन तस्बीरः नीराजन शिरीष

बायाँ चित्रमा देखाइएको भवन हो- रत्नेचौर १ स्थित रत्नेचौर रेडक्रस उपशाखाको भवन । यो भवन खासमा गा.वि.स भवन हो । द्दन्दकालमा विद्रोही माओवादीहरूको निशाना बनेको यो भवन क्षतिग्रस्त भैसकेपछि  यस भवनमा त्यसयताका कुनै पनि गा.वि.स. सचिव फर्केर आएनन् । यसै भवनको तल्लो तहमा रहेको रत्नेचौर उपस्वास्थ्य चौकी बुढोपोखरी मुनि आफ्नै पक्कि भवनमा सरेपछि यो भवन खण्डहर जस्तै बनेको थियो । तर यस भवनमा रहेका केहि कोठाहरूमा ठूली रानी वन सा.व.उ.स को कार्यालय, एक नं. वार्डको सा.व.उ.स को कार्यालय राख्ने काम भयो । र, पहिले उपस्वास्थ्य चौकी रहेको कोठामा भने रत्नेचौर रेडक्रसको उपशाखाको कार्यालय राख्ने काम भयो । मर्मत सम्भार गरिएको भएपनि अत्यन्तै साँघुरो, जिर्ण र दयनीय स्थितीमा रहेको यो कोठाबाट रत्नेचौर रेडक्रसको उपशाखाका पदाधिकारीहरूले छुट्टै स्थानमा भवन बनाउने निर्णय गरेका छन् ।

उनीहरूको यो अभियानमा सहयोग पुर्याउने हेतुका खातिर हाल नर्वेजियन रेडक्रस अन्तरगत नर्वेको सुदुर उत्तरी शहर ट्रोम्सोमा कार्यरत रत्नेचौर – २ का नीराजन थापाले ट्रोम्स रेडक्रस युथ र सहकर्मी युवा प्रतिनिधीको विशेष सहयोगमा आज जून ६ मा एक मैत्रीपूर्ण फुटबल प्रतियोगिताको आयोजना गर्दैछन् । स्थानीय समय अनुसार साँझ ७ बजे स्थानीय एक फूटबल मैदानमा आयोजना गर्न लागिएको उक्त मैत्रिपूर्ण फुटबलमा बिभिन्न लब्ध प्रतिष्ठित ब्यक्तित्वहरू तथा संघसंस्थाहरूले सहयोग पुर्याएको थापाले बताए । ट्रोम्स नगरपालिकाका मेयर एरिल्ड हसबर्ग, डा. गणेश आचार्य, डा. रञ्जन पराजुली, ट्रोम्सो बिश्वबिध्यालयका रेक्टर यार्ली आरबक्के, सहप्राध्यापक भिदार भाम्बेम लगायतका स्थानीय लब्ध प्रतिष्ठितहरूले खेलमा सहभागिता जनाउँदैछन् ।

२५, ५० र १२५ क्रोनर दरका टिकटको ब्यवस्था गरिएको उक्त मैत्रीपूर्ण खेल आयोजनाको तयारी क्रममा ट्रोम्स रेडक्रस युथकी लिडर थेरेसा क्राम्भिक लगायतका रेडक्रस स्वयंसेवक तथा सदस्यहरूले महत्वपूर्ण सहयोग पुर्याएका छन् ।

जापानमा महाभूकम्प, चौरेलीहरू सुरक्षित

जापानको हङ्सुद्भिपमा स्थानीय समयअनुसार अपरान्ह पौने तीन बजे ८.९ रेक्टर स्केलको भूकम्प गए पश्चातः जापानका प्रधानमन्त्री नाओतो कानले संकटकालको घोषणा गरेका छन् । भूकम्पको कम्पन जापानको ओसाकासहित प्रशान्त माहासागर तटवर्ती क्षेत्र सबैमा महसूस गरिएको खबर छ ।
टोकियोबाट हाम्रो सम्पर्कमा आएका रत्नेचौर १, किराखोर निवासी राजु सापकोटाले मोबाइल र ग्याँसको लार्इन अबरूद्द रहेको जानकारी गराएका छन् । उनका अनुसार राजधानी टोकियो वरिपरी रहेका रत्नेचौरबासी लगायत अन्य सबै सुरक्षित छन् । उनले टोकियोभन्दा बाहिर रहि काम गर्ने वा अध्ययन गर्दै गरेका केहि सँग भने सम्पर्क हुन नसकेको बताएका छन । जीवनमा पहिलो पटक यस्तो महाविनाशक भूकम्पका बारेमा थाहा पाउँदा आफू अचम्भित भएको र फेरि पनि दोहोरिन सक्ने चिन्ताले सताएको उनले बताए । विभिन्न सञ्चार माध्यमहरूले भूकम्प पछि आएको सुनामीले मच्चाइरहेको बबण्डरको ताजा दृश्य प्रसारण गरिरहेका छन् । विभिन्न विदेशी संचार माध्यमका अनुसार सुनामीका कारण हालसम्म ५ जनाको ज्यान गएको छ । क्षतिको बाँकी विवरण आउन बाँकी छ ।

रत्नेचौरका छोराको प्रचण्डलार्इ उपाहार

नीराजन शिरीष

लौ लिनुस उपाहारः प्रचण्डलार्इ उपाहार दिदैँ दिपक बोगटी

मलेशियामा बसी ब्यापार गरिरहेको एक सामान्य नेपाली नागरिकले आफ्नो देशको सबभन्दा ठूलो दलको ठूला नेता पुष्पकमल दाहाललार्इ भेटे भने के गर्लान ? सायद धेरै अडकलबाजी हुन सक्छ, उनीसँग नजिक भएर आफूले लिन सकिन फाइदा प्राप्त गर्नका खातिर जे पनि गर्लान । तर विगतकेहि वर्षदेखि मलेशियामा बसी कोरियन ब्ल्याङकेट, यूकेको स्वीटर, कोरियन मदिरा तथा कोरियन तयारी खानाको व्यापार गर्दै आएका रत्नेचौर १, म्याग्दीका दिपक बोगटीले भने उनलार्इ आधुनिक मलेशियाको विकाशमा नेतृत्व गर्दै आएका महाथिर मोहम्मदको रूँदै गरेको तस्वीर, उनको जीवनी, एउटा खाली डायरी र कलम उपाहार दिएका छन् ।

यस्ता छन् महाथिर मोहम्मद

म्याग्दी जिल्लामा नेपाली कांग्रेसको सक्रियतालार्इ शुरूवात गर्ने एक नेता स्व. ओमबहादुर बोगटीका जेष्ठ सुपुत्रका रूपमा जन्मेका दिपक बोगटी भावनात्मक रूपले एकदम कमजोर व्यक्ति मानिन्छन् । आफ्नो पिताको समाजसेवाबाट प्रभावित रहेको उनले रूँदै गरेको तस्वीर दिनुको कारण जनताप्रतिको उत्तरदायित्वलार्इ एक सफल राजनेताले कसरी लिनुपर्दछ भन्ने कुरा प्रचण्डले बुझुन भनेर दिएको बताए । साथै नेपालका तीन करोड जनताहरूका दुःखलार्इ नजिकबाट बुझेर राजनीति गर्न प्रेरित गरोस भन्ने उद्भेश्यले उक्त उपाहार दिएको जानकारी दिए । साथै डा. महाथिर मोहम्मदको जीवनी पढेर देश विकासका लागि उनले चालेका सकारात्मक उदाहरणहरूलार्इ खाली डायरीमा टिपेर मनन गरून भन्ने कामनाका साथ आफूले ती उपाहारहरू दिएको उनले जानकारी दिए । प्रचण्डले ती उपाहारहरूको उपयोग कसरी गर्लान त्यो त अहिले अनुमान लगाउन नसकिने कुरो भयो । तर उपाहार लिदैँ गर्दा प्रचण्डको गम्भीर मुद्राबाट भने उनले त्यसको सहि सदुपयोग गर्ने कुरामा आफू ढुक्क रहेको बोगटीले बताए । आशा गरौं बोगटीले प्रदान गरेको उपाहारले प्रचण्डलार्इ अवश्य पनि देश र जनताप्रति साथै शान्तिप्रक्रियामा आफ्नो जिम्मेवारी महत्वपूर्ण रहेको बोध गराउनेछ । र, कम्तीमा पनि उनले यो पुरस्कारको अमूल्य गुणलार्इ सधैं सम्झिराख्ने छन् ।