स्लो बाइकमा महतको पकड

बिजेता बसन्त महत

 

बेनी,म्याग्दी/

अघिपछि अलि गतिमै बाइक हाँक्ने रत्नेचौर २ का बसन्त महतले हिजो आषाढ ६ गते भने अत्यन्तै ढिलो गतिमा बाइक हाँकेर जिल्लामा आयोजित ‘स्लो बाइक रेस’ मा प्रथम स्थान हासिल गरी नगद रू ५ हजार प्राप्त गर्न सफल भएका छन् । जेसिस म्याग्दीले आफ्नो स्थापना दिवसका अवसर पारेर आयोजना गरेको उक्त प्रतियोगितमा ३४ जना अरू प्रतिस्पर्धीहरूलार्इ पाखा लगाउँदै महतले शिर्षस्थान हासिल गर्न सफल भएका हुन ।

६० मिटरको दुरी निर्धारण गरी सवै भन्दा ढिलो बाईक हाँक्नेले जित हात पारेका हुन् । बाईक स्टार्ट गरेपछी बन्द गर्न नपाईने, निर्धारित सिमाभन्दा बाहिर जान नपाईने र भुइमा खुट्टाले टेक्न नपाईने जस्ता नियमहरुलाई पालना गर्दै महतले २ मिनेट ३० सेकेन्डमा उक्त दुरी पारेका थिए । उनीभन्दा २३ सेकेण्ड अगाडि उक्त दुरी पार गर्ने अर्का एक जना प्रतियोगि स्पर्धामा द्भितीय भएका थिए । 

रत्नपुत्र महतको यस सफलताका लागि हाम्रो ब्लगका तर्फबाट हार्दिक बधार्इ तथा उत्तरोत्तर प्रगतिको कामना छ ।

इभरग्रीन (बि) सँग रत्नेचौर युवा क्लब स्तब्ध

खेल शुरू हुनु पूर्व मैदानभित्र RYC रत्नेचौरका खेलाडीहरू

लामोसमयपछि खेल मैदानमा उत्रेका रत्नेचौर युवा क्लब, रत्नेचौरका खेलाडीहरूको उत्कृष्ट खेल प्रदर्शन हुँदा हुँदै पनि बेनीमा जारी बौद्दकप – २०६८ मा इभरग्रीन युथ क्लब बेनीको बि समूहसँग १ का बिरूद्द ४ गोलले पराजित हुन पुगेको छ ।

आवश्यक तयारी बिना नै मैदानमा उत्रेका चौरेली खेलाडीहरूको प्रदर्शन हेर्न लायक थियो । खेलको १० औं मिनेट नबित्दै चौरेली खेलाडीहरूको डि-बक्समा बल ह्यान्ड भएपछि इभरग्रीनले पेनाल्टी पाएको थियो । पेनाल्टीमा १ गोलले अग्रता लिएको इभरग्रीन युथ क्लबको अग्रतालार्इ खेलको ३० ‌औं मिनेटमा चौरेली स्ट्राइकर चित्र किसानले मैदानको मध्यरेखाबाट एक्लै बल अगाडि बढाउँदै विपक्षको डि-बक्समा पुर्याएर गरेको कडा प्रहारलार्इ इभरग्रीनका गोलरक्षकले राम्रोसँग समात्न नसक्दा रत्नेचौर युवा क्लबका डिफेन्डर प्रेम बोगटीले त्यसलार्इ गोलमा परिणत गरेर खेल १-१ को बराबरीमा ल्याउन सफल भएका थिए ।

दोश्रो हाफमा रत्नेचौर युवा क्लबका खेलाडीहरूमा गतिलो तालमेल नमिल्दा इभरग्रीनले खेलमा दोश्रो गोल थप्न सफल रह्यो । इभरग्रीनको दोश्रो गोलको लगत्तै खेलमा बराबरी गर्ने मौका रत्नेचौरका खेलाडीहरूले गुमाउँदा खेलमा इभरग्रीन एकतर्फि हावी भयो । र, खेलमा इभरग्रीनले ४-१ को नतिजा निकाल्दै आफ्नो पक्षमा नतिजा पार्न सफल रह्यो ।

भानु मा.वि. मा दशजोड संचालन गरिने

सीमा बोगटी (रत्नेचौरबाट फर्केर)

आज माघ २१ गते रत्नेचौर गा.वि.स वार्ड नं. १ स्थित श्री भानु माध्यमिक बिध्यालय रत्नेचौरको प्रांगण आयोजित आम भेलाले आगामी शैक्षिक सत्रबाट भानु मा.वि. मा दशजोड दुर्इको तह थप गर्ने सम्बन्धि छलफल भएको छ । भेलाले यथासिघ्र आयोजक समिति निर्माण गरी चन्दा संकलन तथा आर्थिक संकलनका लागि अन्य क्रियाकलापहरू संचालन गर्ने पनि निर्णय भएको छ ।

शितलको प्रयासमा भानु मा.वि.ले पायो १० थान कम्प्यूटर

नीराजन शिरीष

 

सामूहिक तस्बीर साथमा शितल शर्मा

 

हामीलार्इ ढिलो गरि प्राप्त समाचार अनुसार, रत्नेचौर १ घर भै, हालः ठमेल काठमाण्डौं स्थित नेपाल ड्रिम ट्राभल एजेन्सीकि बजार निर्देशक तथा त्यसै संस्थाकि एक अंशियार समेत रहेकी शितल शर्माको प्रयासमा श्री भानु माध्यमिक बिधालय रत्नेचौरमा १० थान कम्प्यूटर हस्तान्तरण गरिएको छ । गत मंसिर १९ गते कम्प्यूटर हस्तान्तरण कार्यक्रमकको आयोजना गरी उक्त कम्प्यूटरहरू हस्तान्तरण गरिएको हो थियो ।

नेपाली क्षेत्रबाट प्रथमपटक सगरमाथा आरोहण गर्ने पहिलो चाइनिज ह्वाङ नुवोले उक्त सहयोग गरेको समेत शर्माले हामीलार्इ जानकारी गराएकी छिन् । शर्माका अनुसार बेइजिङमा रहेको एक प्रतिष्ठित ब्यवासायि समूह झोङ्गकुन इन्भेस्टमेन्ट ग्रुपका कार्यकारी अध्यक्ष नुवोले एसिएर ब्रान्डका कम्प्यूटर ताइवानबाट खरिद गरेका हुन । रत्नेचौर गा.वि.स. मै सम्भवतः यति ठूलो परिणामको सहयोग जुटेको यो पहिलो अवसर हुनुपर्छ । उनिसँगको मेरो संस्मरण पढ्नलार्इ http://www.thapanirajan.blogspot.com हेर्नुहोला ।

कस्ता छन् कम्प्यूटर ? : बिधार्थीहरू चियाउँदै ।

रत्नेचौरको रेडक्रस उपशाखालार्इ सहयोगको आवश्यक

श्याम खत्री
रत्नेचौर उपस्वास्थ्य चौकी नयाँ भवनमा सरेपछि केहि वर्ष अगाडिदेखि नेपाल रेडक्रस सोसाइटी रत्नेचौर उपशाखाले उपयोग गर्दै आएको उपस्वास्थ्य चौकीको भवनबाट आफ्ना नियमित कार्यसम्पादन गर्नमा असहज भएका कारण छिट्टै नयाँ भवनका लागि आवश्यक काम थाल्ने भएको छ । माओवादी द्भन्दकालमा क्षतिग्रस्त रत्नेचौर गा.वि.स भवनकै कोठाहरू मध्ये त्यो कोठा पनि एक थियो ।

बैठकमा सहभागी महिला सदस्यहरू साथमा कोषाध्यक्ष सरिता शर्मा

कामचलाउरूपमा भवनको मर्मतसम्भार गरियता पनि भवनको स्थिती अत्यन्तै नाजुक रहेको छ । गा.वि.स. भवन पक्की बन्दै छ भने उपस्वास्थ्य चौकी यस अगाडि नै ऐतिहासिक बुढोपोखरीको ठिक मुनिपट्टी आफ्नै पक्की भवनमा सरिसकेको छ । त्यसकारण पनि भवनको उपयुक्त मर्मत सम्भारका लागि कसैको ध्यान पुग्न सकेको छैन । रेडक्रस उपशाखाको हालै बसेको पदाधिकारी बैठकले यथासम्भव कम खर्चमा एउटा नयाँ भवन निर्माण गर्ने निर्णय गरेको छ । साथै भवन निर्माणका लागि आवश्यक सहयोग गर्नका लागि सहयोग दाताहरूसँग अपिल समेत गरि विज्ञप्ति प्रकाशित गरेको छ । स्मरण रहोस् नेपाल रेडक्रस सोसाइटी म्याग्दी शाखा अन्तरगतका धेरै उपशाखाहरूको स्थानीय सहयोगदाताहरूको सहयोगमा भवन निर्माण कार्य सम्पन्न भैसकेका छन् ।

बैठकमा सहभागि पुरूष सदस्यहरू

नेपाल रेडक्रसबाट नर्वेजियन रेडक्रसका लागि युवा प्रतिनिधी छनौट भर्इ हालः नर्वेजियन रेडक्रसमा कार्यरत रत्नेचौर २ निवासी नीराजन थापाले भवन निर्माणका लागि आफ्नो कार्यक्षेत्रमा केहि रचनात्मक कार्यक्रम गरी आर्थिक सहयोग संकलन जुटाउनेप्रति ध्यान दिने बताएका छन् ।
सहयोगका लागि यहाँहरूले सम्पर्क गर्नसक्नु हुने व्यक्तिहरू निम्नलिखित हुनुहुन्छ –
चिरिञ्जीवि बोगटी (राजकुमार) अध्यक्ष
चिरिञ्जीवि बोगटी (चिरन) सचिब
नेत्रबहादुर महत (भवन निर्माण समिति, संयोजक)
खड्गबहादुर बोगटी
सहयोगका लागि यस ब्लग मार्फत दाताहरूसँग आब्हान गरी प्रकाशित गरिएको विज्ञप्ती तल हेर्नुस्

भैलोमा उठ्यो डेढ लाख

अनुच्छेदः रामचन्द्र थापा मगर
तस्बीरः रामचन्द्र थापा मगर

एकता अर्जम सांस्कृतिक समुहको देउसी भैलो कार्यक्रम सफलतापूर्वक सम्पन्न भएको छ । शुभ दिपावली २०६७ को पाबन अबसरमा आयोजित देउसी भैलो कार्यक्रम ७ दिन सम्म चलेको थियो। बागलुङग, लमगाउ, कुडुले, रत्नेचौर हुदै अर्जममा आयोजित देउसी भैलो कार्यक्रममा जम्मा १,५०,२९२ रुपैया सङकलन भएको छ । सङ्कलित रकम “तेजिन्द्र स्मृती भवन” निर्मांण मा खर्च गरिनेछ । स्मरण रहोस स्वर्गीय तेजिन्द्र थापा मगर अर्जम सांस्कृतिक समुहका पुर्ब नित्य प्रशिक्षक तथा संस्थापक सदस्य हुनुहुन्छ। समय अभाब को कारण पर्बतको कुश्मा र म्याग्दीको बेनि बजारमा देउसी भैलो कार्यक्रम आयोजना गर्न असमर्थ भएको संस्थाका अध्यक्ष राजु थापा मगरले जानकारी गराउनु भएको छ। एकता अर्जम सांस्कृतिक समुह तथा रत्नेचौर गाउँलाई सम्पुर्ण धौलागिरि अञ्चलमा परिचित गराउने हेतुले सो कार्यक्रम आयोजना गरिएको थापाले बताउनु भयो ।

धान काट्ने काम शुरू भैसकेछ

रत्नेचौरबाट सागर रावलले हामीलार्इ सम्प्रेषण गरेको समाचार अनुसार रत्नेचौर गा.वि.स को तल्लो भेगको मुख्य फाँट मानिने रत्नेचौर १-४ को चारकिल्लाभित्र पर्ने चौरको खेतमा धान काट्ने काम शुरू भएको छ । रावलका अनुसार तिहारभन्दा अगावै यो फाँटको धान काटी भित्र्याइन सकिने अत्याधिक सम्भावना रहेको छ ।

धान काट्दै किसानहरू फोटोः सागर रावल