सार्वजनिक जग्गामा नीजि इट्टा भट्टा

रत्नेचैारका वार्ड नं. १ र २ मा इट्टा ब्यवसायीहरूले नीजि जग्गाहरूमा इट्टा भट्टा चलाएर राम्रो आम्दानी गर्दै आएका थिए तर रत्नेचैार २ का एक इट्टा ब्यवासायी मोहन महतले भने वार्ड नं. २ स्थित सार्वजिक जग्गामा सुटुक्कै आफ्नै मर्जीले एउटा इट्टा भट्टा संचालन गर्न पुगे । पछाडि वार्डबासीहरूले यस बिषयमा कुरा उठाएपछि भने महतलार्इ निकै अप्ठ्यारो पर्यो । तर गाउँको कुरा गाउँमै नमिल्ने कुरै भएन । आफ्नो कमजोरी महशुस गरि महतले वार्डका हितका लागि रू २ हजार सहयोग गर्ने प्रतिबद्दता प्रकट गरेपछि भने विवाद साम्य भयो । तर जेहोस् यसरी आफ्नै मर्जीले आफुखुशी सार्वजनिक जग्गाको उपभोग गर्नु कानुनसम्मत भने छैन ।

रत्नेचैार २, घैँयारामा सार्वजनिक स्थानमा संचालित इट्टा भट्टा (तस्बीरः नीराजन शिरीष)

एकता अर्जम सांस्कृतिक समुह को देउसी भैलो

रामचन्द्र थापा मगर

गत सालको देउसीको एक झलकः लेखक


एकता अर्जम सांस्कृतिक समुह ले शुभ दिपावली को पबन अबसर मा देउसी भैलो कार्यक्रम आयोजना गरेको छ। एकता अर्जम सांस्कृतिक समुहका पुर्ब नित्य प्रशिक्षक तथा संस्थापक सदस्य स्वर्गिय तेजिन्द्र थापा मगर को स्मृतिमा निर्माणाधिन “तेजिन्द्र स्मृती भवन” को निर्मांणसहयोगार्थ देउसी भैलो कार्यक्रम आयोजना गरिएको कुरा संस्थाका अध्यक्ष राजु थापा मगर ले बताउनु भएको छ। रत्नेचौर गा.वि.स. वडा नं. ७ र ९ का बासिन्दाहरुको विशेष श्रमदान तथा अग्रज, अभिभावकहरुको सहयोगमा भवन निर्माणकार्य पहिलो तल्ला सम्पन्न भएको छ र यसै आर्थिक वर्ष २०६७/०६८ मा भवनको दोश्रो तल्ला पनि निर्माण गर्ने लक्ष्य रहेको छ । हालसम्म भवन निर्माणको लागि रत्नेचौर वडा नं.७, (हाल जर्मनी) निवासी श्री प्रेम बहादुर थापा मगर ज्यु बाट रु.८०.००० बराबरको घडेरी दान, तथा रत्नेचौर वडा नं.७, (हाल हङकङ) निवासी श्री इन्द्र बहादुर थापा मगरबाट रु.१०,००० सहयोग प्राप्त भैसकेको छ।

देउसीको उपाहार ग्रहण गर्दै भैलिनीहरू गतसालको एक दृश्यः लेखक


स्रोतका अनुसार कार्यक्रम यहि कार्तिक १७ गते देखी सुरु हुनेछ। भैलो कार्यक्रम पर्बत को कुश्मा हुदै बागलुङ बजार, म्याग्दी सदरमुकाम बेनि र रत्नेचौर हुँदै अर्जममा समापन हुनेछ। कार्यक्रम अबधी १ हप्ता सम्म हुनसक्ने संस्थाका अध्यक्ष राजु थापा मगर ले बताउनु भएको छ। साथै भैलो कार्यक्रलाई सक्दो सहयोग गर्न यहाँहरु सबैलाई हार्दीक अनुरोध गर्दछौ।

द्वन्दको प्रभाव

नक्कली बन्दुक समात्दै एक बालक

माओबादी युद्द कालमा क्षतिग्रस्त गा बि स भवन बन्ने क्रममा रहेको रत्नेचौरमा युद्दकालको भयाबह अझै ब्याप्त नै रहेको तथ्य माथिको तस्बिरले देखाउछ ।

सहयोगीहरूको नामवली

विदुर भाईलाई सहयोग गर्ने सहयोगी व्यक्तित्वहरूको नामवली तल उल्लेख गरे बमोजिम रहेको छ, यसमा उहाँहरूको आश्वासनलाई पनि यहाँ प्राथमिकता साथ राखिएको छ । श्रावण पहिलो हप्ता रत्नेचौर स्थित भानु मा.वि. को प्रांगणमा रकम हस्तान्तरण कार्यक्रम आयोजना गरिनेछ । र, सहयोग दाताहरूको नामवली विभिन्न सञ्चार माध्यमबाट प्रकाशन तथा प्रचार गरिनेछ । कृपया जति सक्नुहुन्छ, जे सक्नुहुन्छ सहयोग गर्ने प्रयास गरिदिनु होला !

१) राजु थापा, बा.न.पा.१०, कुँडुले (हाल : स्पेन) ३,०००।–

                       (via Moneygram with the Ref. no. 24889992)

२) Sudeep Memorial Trust (बिकास रावल) रत्नेचौर ४, (हाल : अमेरीका) रू.५,०००।–

३) केशर रोका, रत्नेचौर–४ (हाल : बेल्जियम) रू.६०००।–

(Via Crystal Worldwide Money Transfer with the Ref. no. 183751709)

४) विश्व पौडेल रू.१००।–

                (माउण्ट एभरेष्ट आ.उ.मा.वि. बाट SLC मा ८१ प्रतिशत अंक हासिल गर्न सफल विद्यार्थी)

५) शिव बोगटी रत्नेचौर–१, (हाल : डेनमार्क) र राजेश श्रेष्ठ, बा.न.पा–२ (हालः डेनमार्क) रू १०,०००।– 

               (with the pin code ER881 and Kist Remit’s Ref.no.KS2115022)
६) केशब बोगटी रत्नेचौर–१, (हालः मलेशिया) रू ३,०००।– Cash

७) राजु बोगटी, रत्नेचौर–३(हालः बाल्टीमोर, अमेरिका) रू.५,०००।–
   (via Western Union Money Transfer with the Ref. no. 3583264939)

८) श्यामबहादुर के.सी. बा.न.पा. १०, कुडुँले (हालः स्वीडेन) रू.३४७२।–

            (via Crystal Worldwide Money Transfer with the Ref. no. 183642187)

९) गोविन्द (गोपाल) रावल, रत्नेचौर–४, (हालः सियोल, कोरिया) रू.१०,०००।– (हुन्डी मार्फत)

*चिन्हले प्रतिबद्धता ब्यक्त गरिएका र रकम आउने क्रममा रहेको जनाउँदछ ।

यस्तै गरी म्याग्दी बहुमुखी क्याम्पस निःशुल्क अध्ययन तथा माउण्ट एभरेष्ट आवासीय उच्च मा.वि.ले मासिक रू ९,८००।– जागिर सहित अध्ययनको व्यवस्था गर्न ईच्छुक देखिएका छन् । नीजसँग आवश्यक सरसल्लाह पछि कसरी र कहाँ अध्ययन गर्ने भन्ने विषयमा उपयुक्त निर्णय लिईनेछ । यदि निज किसानले जागिर सहित अध्ययन गर्ने वातावरण निर्माण भएमा शुरुमा यसै सहयोग कोषबाट रू.१०,०००।– पुरस्कारस्वरुप प्रदान गरी बाँकी रकम “विपन्न तथा जेहेन्दार विद्यार्थी छात्रबृत्ति कोष” मा स्थानान्तरण गरिनेछ । जसको सञ्चालन शिघ्र रुपमा एक विनियम तयार पारी गरिनेछ ।

म यो सहयोग दाताको सूचीमा अझ धेरै नामहरू थप्न ईच्छुक छु, कृपया यो अभियानमा सामेल भई गरिव तथा विपन्न बालबालिकाहरूलाई अध्ययन गर्नलाई प्रेरित गरौं । र, विदुरलाई योग्य नागरिक बन्न सहयोग गरौं । विश्वास गर्नुस्, उनले यहाँको सहयोगलाई बिर्सने छैनन् ।