रामचन्द्र थापा मगर (अर्जमबाट फर्केर)

उपस्थित पाहुना तथा दर्शकहरूलार्इ स्वागत गर्दैःतस्बीर लेखक

नृत्य प्रस्तुत गर्दै कलाकारः तस्बीर लेखक

एकता अर्जम सांस्कृतिक समुहले आयोजना गरेको वृहत सास्कृतिक कार्यक्रम भब्यता का साथ सम्पन्न भयो । शुभ बिजया दशमीको दिन आयोजना गरिएको उक्त कार्यक्रम ४ बजेदेखी बलुकी ८ बजे सम्म सन्चालन भएको थियो । लोप हुन लगेको लोक संस्कृती, रितीरीवाज, परम्परालाई जिवन्त राख्ने हेतुले आयोजना गरिएको उक्त कार्यक्रम संस्थाका सचिब रामचन्द्र थापा मगर र आशा थापा मगर ले सञ्चालन गर्नु भएको थियो । समाजसेबी तथा ब्यापारी दीपक बोगटीको प्रमुख आतिथ्यतामा सम्पन्न कार्यक्रममा जम्मा ५५ हजार रुपैया सङ्कलन भएको थियो । प्रमुख अतिथी दीपक बोगटीले १२ जना जेष्ठ नागरीक लार्इ दोसल्ला ओढाएर सम्मान गर्नुका साथै २२ जना एस.एल.सी उत्तिर्ण विधार्थीहरु लाई मायाको चिनो तथा प्रसंशापत्र प्रदान गर्नु भएको थियो । त्यस्तै जेहन्दार विधार्थी छात्रवृती १५ जना विधार्थीहरुलाई बितरण गरियो। बागलुङ एफ.एम तथा यस ब्लग मिडिया पार्टनर रहेको कार्यक्रममा लिसार सांस्कृतिक समुहका रन्जित राना मगर र दिलिप राना मगर लाई पनि सम्मान गरिएको थियो ।